Vástádus eana - The answer is land

Norsk tekst:

Fellesskap og slektskap mellom mennesker, med naturen og jorden vi alle deler, dette er hovedtemaene i Vástádus eana - The answer is land. Koreografien er inspirert av demonstrasjoner, samiske åndelige praksiser og formasjonsdans. Den flerstemte joiken er det bærende elementet i forestillingen. Den er spesialskrevet for denne forestillingen av komponist og professor i joik, Frode Fjellheim. Her viser Fjellheim bredden i joik og en ny måte å jobbe med flerstemt joik.

«Kraftfull på et stillferdig og storslagent vis.» - NRK

«Handler om hva et hjem kan være, og svaret ligger i fellesskapets viktighet. Der flokken din er, der er hjemme.» -NRK

«En sjeldent samstemt kombinasjon av musikk, sang, joik og dansekunstens kroppslige språk.» - Nordlys

«Joikens rikdom møter samtidskunstens kraft.» -NRK

Elle Sofe Sara er regissør og koreograf som jobber med scenekunst og film basert i Guovdageaidnu. Hun har mastergrad i koreografi ved Kunsthøgskolen i Oslo og BA i dans ved Laban skolen i London. Elle Sofe har gjort seg bemerket med dansejoikeforestillingen Vástádus eana (2021) og kortfilmen Ribadit (2019) som vant pris på Imagine Native Canada. I 2023 koreograferer hun for Carte Blanche og i 2024 får spillefilmen og joikemusikalen Árru sin premiere.

Samisk tekst: 

Vástádus eana čájálmasa váldosáhka lea searvevuohta ja fuolkevuohta olbmuid gaskkas, ja luondduin ja eatnamiin maid mii buohkat juogadit. Koreográfiija vuođdun leat miellačájeheamit, sámi vuoiŋŋalaš vierru; lobi jearran ja formašuvdnavázzin. Máŋggajienat luohti lea nana oassi čájálmasas. Musihkka lea čállojuvvon erenoamážit dán čájálmassii. Dan lea dahkan komponista ja luohteprofessor Frode Fjellheim. Dás čájeha Fjellheim luođi viidodaga ja ođđa vuogi mo bargat máŋggajienat juoigamin. 

«Fámolaš jaskes ja guoskkaheaddji vugiin.» -NRK 

«Lea sáhka das mii ruoktu sáhttá leat, ja vástádus lea searvevuođa dehálašvuohta. Gos mii leat ovttas, doppe ruoktu.» - NRK 

«Hárvenaš ovttajitnii kombinašuvdna musihkas, lávlagis, luođis  ja dánsadáidaga gorutgielas.» - Nordlys 

«Luođi valljivuohta ja dálááigge dáidaga vuoibmi deaivvadit.» - NRK 

Elle Sofe Sara (r.1984) lea koreográfa, bagadalli ja filbmadahkki. Elle Sofe barggut leat vuosttaš čalbmái árgabeaivválaš áššit, dávjá oasit sápmelaččaid gorutlihkastagain mat leat vajálduvvan ja vierut maid kolonialisma ii leat váikkuhan. Elle Sofe rahpá saji dakkár vejolašvuhtii mas ovddeš ja dálá áigi deaivvadit. Su koreográfiijain lea dávja suohtas vuohki lahkonit fáttáide, muhto son maiddái čiekŋuda tabu-áššiide, nugo traumaide, veagalváldimii ja iešsoardimii. Elle Sofe lea álgoálbmotdáiddár ja son vállje hábmet bargguid mat áddejuvvojit seammá bures dan servodagas gos son ieš orru, nugo dat dahket dáiddamáilmmis. Internašunála dásis lea Elle Sofe hábmen bargguid  ovttas Liu Chiin (Kiinnás), Wimmein (Suomas) ja Lana Hanseniin (Ruonáeatnamis). Elle Sofe lea maid nubbi sudnos gii vuođđudii Dáiddadálu, sámi fágaidrasttildeaddji dáiddár fierpmádat.  

Elle Sofe lea Unit-Ántte Rávnna ja Heik- Erke Niillasa váhkar, Ávžžis Guovdageainnus bajásšaddan. Sus lea koreográfiija-master Oslo Dáiddaallaskuvllas (2010) ja dánsa-bachelora Londona Laban Trinity skuvllas (2006). Son lei Davvi-Norgga riemuid dáiddár profiila (2020, 2021), lea vuoitán Moon Jury bálkášumi Imagine Native Filbmafestiválas (2019). Son lea maid okta njealji filbmadahkkis gii lea válljejuvvon Talent Norge filbmadahkkiprográmmii (2020-2023). Go son ii leat bargame koreográfiijain dahje filmmain, dahje bargomátkkis, de lea ealloravddas isida mielde dahje mánáid oahpaheame árbevirolaš bargguid.